Azərbaycan Dövlət İnformasiya Agentliyi

SİYASƏT

Həştərxanda Rusiya Azərbaycanlı Gənclər Birliyi regional nümayəndəliklərinin təmsilçiləri ilə görüş keçirilib

Həştərxan, 31 may, AZƏRTAC

Mayın 31-də Həştərxanda Rusiya Azərbaycanlı Gənclər Birliyi (RAGB) regional nümayəndəliklərinin təmsilçiləri ilə görüş keçirilib.

AZƏRTAC xəbər verir ki, görüşdə Heydər Əliyev Fondunun vitse-prezidenti, RAGB-in sədri Leyla Əliyeva iştirak edib.

Əvvəlcə RAGB-in Azərbaycan-Rusiya dostluq münasibətlərinin möhkəmləndirilməsi istiqamətində gördüyü işlərdən bəhs edən sənədli film nümayiş etdirilib. Filmdə qeyd olunur ki, RAGB Rusiyanın ən fəal gənclər təşkilatlarından biridir. Azərbaycanın və Rusiyanın görkəmli siyasi və ictimai xadimləri RAGB-in fəaliyyətini yüksək qiymətləndirir, təşkilatın gördüyü işlərin əhəmiyyətini vurğulayırlar.

Heydər Əliyev Fondunun vitse-prezidenti, RAGB-in sədri Leyla ƏLİYEVA görüşdə çıxış edərək deyib:

-Hörmətli qonaqlar və əziz dostlar.

Mən RAGB-in üzvləri ilə görüşdə sizi salamlamağa şadam. Bugünkü görüşümüzün mehriban Həştərxan torpağında keçirilməsi olduqca xoş hadisədir. Hər dəfə Həştərxana gələndə bu şəhərin əsrarəngiz energetikasını və gözəlliyini hiss edirəm. Mən Aleksandr Jilkinə görüşümüzü bu şəhərdə keçirməyə imkan yaratdığına və dəstəyinə görə təşəkkürümü bildirmək istəyirəm. Həmçinin səfirimiz Polad Bülbüloğluna təşəkkür edirəm. O, əvvəldən daim bizim bütün təşəbbüslərimizi dəstəkləyib.

Həştərxan və Bakını uzun illərin dostluq telləri bir-birinə bağlayır. Altı il əvvəl Heydər Əliyev Fondunun dəstəyi ilə şəhərdəki Heydər Əliyev parkını I Pyotr meydanı ilə birləşdirən “Dostluq” körpüsü açılıb. Yaxşı ki, şəhərlərimiz arasında belə körpülər çoxdur. Dörd il əvvəl Azərbaycan Prezidenti İlham Əliyev və Həştərxan vilayətinin qubernatoru Aleksandr Jilkin Heydər Əliyev Fondunun dəstəyi ilə tikilmiş uşaq bağçasını açıblar. 2013-cü ildə Knyaz Vladimirin abidəsinin açılışı olub. Bu, çox dəyərli və gözəl abidədir. Bu layihə üzərində işləyənlərin hamısına təşəkkürümü bildirirəm.

Bildiyiniz kimi, ölkələrimiz arasında uzun illərdir dostluq və mehriban qonşuluq əlaqələri mövcuddur. Bizim ümumi tariximiz və mədəniyyətimiz var. Ən əsası isə xalqlarımız qəlbən bir-birinə yaxındırlar. Bunu heç nə ilə sarsıtmaq və dağıtmaq olmaz. Azərbaycanda rus dilinə və ədəbiyyatına, mədəniyyətinə böyük sevgi ilə yanaşılır. Sevindirici haldır ki, ölkəmizdə rus dilində təhsil tam həcmdə qorunub saxlanılıb, 300-dən çox məktəbdə tədris rus dilindədir. Bütün ali məktəblərdə tədris rus dilində aparılan fakültələr var. Bakıda Rusiyanın iki aparıcı ali məktəbinin - Lomonosov adına Moskva Dövlət Universitetinin və Seçenov adına Birinci Moskva Dövlət Tibb Universitetinin filialları açılıb. İnşallah, gələcəkdə Rusiyanın ən yaxşı ali məktəblərindən birinin – Moskva Dövlət Beynəlxalq Münasibətlər İnstitutunun filialı açılacaq. Bu ilin mayında Bakıda ictimai təşkilat olan Azərbaycan Rus İcmasının yaradılmasının 25 illiyi təntənəli surətdə keçirilib. Bu icma Azərbaycanda yaşayan 120 mindən çox rusu sıralarında birləşdirir. Çox xoşdur ki, gənclərimiz Rusiya-Azərbaycan münasibətlərinin möhkəmlənməsində fəal iştirak edirlər. Belə bacarıqlı, enerjili gənclərimizin olması gələcəyimizin daha parlaq və işıqlı olacağını göstərir.

Ölkəmizdə “Azərbaycan gəncliyi 2017-2021-ci illərdə” Dövlət Proqramı qəbul edilib. Bu proqram texniki biliklərə malik gənc azərbaycanlılar nəslinə ölkənin həyatında fəal iştirak etmək imkanı açır. Gənclər proqramı çərçivəsində biznes-inkubatorların, texnoparkların açılması nəzərdə tutulub. Aydındır ki, müasir dövrümüzdə və gələcəkdə yeni texnologiyaların əhəmiyyəti çox böyükdür və buna görə də biz bu sahədə bütün təşəbbüsləri dəstəkləyirik. Əlbəttə, sağlam həyat tərzi və idmanla məşğul olmağı da unutmaq olmaz. Azərbaycanda sağlam həyat tərzinin təbliği üçün çox işlər görülür. Mənim üçün “Bizim həyət” layihəsi çərçivəsində idman meydançalarının açılışında iştirak etmək həmişə xoşdur. Bu layihə insanlara təmiz havada olmaq, ünsiyyət qurmaq, bir-biri ilə tanış olmaq imkanı yaradır. 2018-ci ildə Bakıda 41 ölkədən 19 mindən çox insanın iştirak etdiyi marafon böyük uğurla keçdi. Gələn il sizin hamınızı marafonda iştirak etməyə dəvət edirəm. Orada çox müsbət aura və energetika olur. Artıq üçüncü ildir ki, Azərbaycanda dünyanın hər yerindən qonaqların gəldiyi Formula 1 yarışları keçirilir. RAGB da bu işlərdən kənarda qalmır. Biz gənclər arasında idmanın inkişafı üçün çox işlər görürük. Artıq uzun illərdir biz Heydər Əliyev Kuboku uğrunda mini-futbol yarışları keçiririk. Biz həm də “Nə? Harada? Nə vaxt?” yarışması, müxtəlif olimpiadalar, yarışlar keçiririk. Əlbəttə, insanlar təmiz havada, hərəkətdə olarkən ünsiyyət qurduqda bir-birini daha yaxşı tanıyır, hətta iki dəqiqəyə dostlaşa da bilərlər.

Əziz dostlar, RAGB-in ilk forumunun keçirilməsindən 9 il ötüb. Bu illər ərzində biz müxtəlif sahələrdə - təhsil, elm, mədəniyyət, səhiyyə, xeyriyyəçilik sahələrində böyük işlər görmüşük. Mən sizi Azərbaycan Xalq Cümhuriyyətinin yaradılmasının 100 illik yubileyi münasibətilə təbrik etmək istəyirəm. Bu tarix mayın 28-də təntənəli surətdə qeyd olundu. Bu gün Azərbaycan öz gələcəyini 100 il əvvəl elan edilmiş demokratiya ənənələrinə və dəyərlərinə uyğun qurur. Əlbəttə, müasir gənclik burada böyük rol oynayır.

Qeyd etmək istəyirəm ki, RAGB-in fəaliyyəti hər il olduğu kimi, ötən il də çox uğurlu olub. Buna görə hamınıza təşəkkürümü bildirirəm. RAGB Soçidə keçirilən XIX Ümumdünya Gənclər və Tələbələr Festivalının Milli Hazırlıq Komitəsinin tam hüquqlu üzvü olub. 2017-ci ilin fevralında İvanovo şəhərində 4-cü liderlik məktəbi açılıb. Beş gün ərzində məktəbdə istedadlı və yaradıcı gənclər tematik treninqlərdə, ustad dərslərində, yarmarkalarda, təqdimatlarda, işgüzar görüşlərdə və idman yarışlarında iştirak ediblər. İnşallah, belə görüşlər daha çox olacaq. Hər il RAGB-nin təşəbbüsü ilə Rusiya şəhərlərində 1990-cı ilin qanlı 20 Yanvar hadisələri, 1992-ci ilin Xocalı soyqırımı ilə bağlı anım mərasimləri keçirilir. Həlak olanların xatirəsi bizim yaddaşımızda əbədi qalacaq. Biz inanırıq ki, dünya bu faciələrə ədalətli qiymət verəcək. Mən inanıram ki, dünya daha yaxşı olacaq. Bu cür faciələr bir daha dünyanın heç bir ölkəsində baş verməməlidir.

Bu yaxınlarda Azərbaycan ilə Rusiya arasında diplomatik əlaqələrin qurulmasının 25-ci ildönümü qeyd olundu. Gənclərimiz bu tarixi hadisəni Moskva Dövlət Universitetinin əsrarəngiz Botanika bağında ağac əkməklə qeyd etdilər. Çox yaxşı ki, ölkələrimizin həmişə bir yerdə qeyd etdiyi və mən əminəm ki, həmişə qeyd edəcəyi ümumi bayramları və əlamətdar hadisələri var. 2017-ci il mayın əvvəlində RAGB Paklonnaya qorada “Qələbənin varisləri” tarixi-mədəni konfrans təşkil edib. Azərbaycanlılar Böyük Vətən müharibəsində mühüm rol oynayıblar. On minlərlə azərbaycanlı Sovet ordusunun sıralarında qəhrəmanlıqla döyüşüb. Belə görüşlər bizi birləşdirir və keçmişimizi unutmağa qoymur. Ən başlıcası odur ki, biz, ilk növbədə, insanıq, milliyyətimizdən və dini etiqadımızdan asılı olmayaraq, bizim bir planetimiz var. Düşünürəm ki, xeyirxah işlər görmək və bir-birimizə kömək etməyimiz çox vacibdir. Əlbəttə, bizim təmənnasız qanvermə aksiyamız olan “Qanın milləti yoxdur” layihəmiz də bu barədədir.

Ekologiya və ətraf mühitin müdafiəsi sahəsində layihələrimizi də qeyd etmək istəyirəm. Bildiyiniz kimi, təəssüf ki, bu problem günbəgün daha da aktuallaşır. Böyük sahələrdə meşələr qırılır, çaylar, göllər, dənizlərin suyu çirkləndirilir, kökü kəsilməkdə olan heyvanlar məhv olur, hər saatda bir fil və 11 min köpək balığı brakonyerlər tərəfindən məhv edilir. Okeanın 90 faizi artıq məhv edilib. Bəs biz övladlarımıza və nəvələrimizə nə miras qoyacağıq? IDEA təşkilatı böyük işlər görür. Biz Azərbaycanda 5 milyondan çox ağac əkmişik, Qafqaz leopardı, nərə balığı kimi nadir heyvan və balıq növlərini fəal şəkildə qoruyur, forumlar təşkil edir, filmlər çəkirik. Ancaq mənə elə gəlir ki, indi artıq fəaliyyətə başlamaq vaxtıdır, zaman gözləmir. Bu gün mən çox şadam ki, belə yaşıl şəhərdəyəm. Mən bilirəm ki, əksəriyyətiniz ətraf mühit probleminə laqeyd deyilsiniz. IDEA və RAGB sizin bu sahədə hər təşəbbüsünüzü dəstəkləməyə hazırdır. Başlıcası budur, hər bir insan unutmamalıdır ki, planetimizin müdafiəsinə öz töhfəsini verə bilər. Biz bir yerdə möcüzələr yarada bilərik.

Əziz dostlar, bir daha sizə bugünkü gözəl tədbirə görə təşəkkürümü bildirmək istəyirəm. Uzun yol qət edərək bura gələnlərə təşəkkürümü bildirirəm. Əminəm ki, biz daha xeyirxah, möhkəm və güclü olacağıq. İstərdim ki, bugünkü forumda fikir mübadiləsi aparmaq, suallar vermək, bu gün və sabah həll edə biləcəyimiz vəzifələr irəli sürmək imkanımız olsun. Heç nə bu dünyada təsadüfi deyildir. Hər bir insanın qəlbində bir dünya, sonsuz potensial var. Sizə yaxşı oxumağı, böyük nailiyyətlər, heç zaman ruhdan düşməməyi arzulayıram. Unutmayın ki, bütün çətinliklər bizi daha güclü və yaxşı edir. RAGB (rus dilində AMOR) sevgi deməkdir. Sevgi isə ən yüksək və sarsılmaz qüvvədir.

X X X

Sonra Diasporla İş üzrə Dövlət Komitəsinin sədri Fuad Muradov görüşdə çıxış edərək Azərbaycan ilə Həştərxan vilayəti arasında əlaqələrin möhkəmlənməsində RAGB-in, gənclərin rolundan danışıb. 

Azərbaycanın Rusiyadakı səfiri Polad Bülbüloğlu çıxışında Heydər Əliyev Fondunun vitse-prezidenti Leyla Əliyevaya və onun rəhbərlik etdiyi RAGB təşkilatına Azərbaycan-Rusiya münasibətlərinin dərinləşməsi istiqamətində gördüyü işlərə görə təşəkkürünü bildirib. Səfir Azərbaycan gənclərini Rusiyada daha fəal olmağa çağırıb.

Daha sonra RAGB-in regional bölmələrinin fəalları çıxış ediblər.

Tədbirdə RAGB-in sədri Leyla Əliyeva təşkilatın fəallarına diplomlar təqdim edib.

X X X

Heydər Əliyev Fondunun vitse-prezidenti Leyla Əliyeva Həştərxana səfəri çərçivəsində vilayətin qubernatoru Aleksandr Jilkinlə və nümayəndə heyətinin üzvləri ilə birlikdə nərə balıqlarının Volqa çayına buraxılması mərasimində iştirak edib.

X X X

Heydər Əliyev Fondunun vitse-prezidenti Leyla Əliyeva və Həştərxanda olan Azərbaycan nümayəndə heyəti Prezident İlham Əliyevin təşəbbüsü və Heydər Əliyev Fondunun dəstəyi ilə Knyaz Vladimirin Həştərxanda ucaldılmış abidəsini ziyarət ediblər.

X X X

Sonra Həştərxan Opera və Balet Teatrında Azərbaycan və Rusiya incəsənət ustalarının iştirakı ilə böyük konsert proqramı olub.

Tədbir atəşfəşanlıqla başa çatıb.

Fəridə Abdullayeva

AZƏRTAC-ın xüsusi müxbiri

Həştərxan

Xəbəri sosial şəbəkələrdə paylaşın

Bizi sosial şəbəkələrdə izləyin

BDU-nun 105 illik yubileyi ilə əlaqədar tədbirlər planı hazırlanacaq

Azərbaycanlı şahmatçılar beynəlxalq turnirdə qələbə qazanıblar

İcbari Tibbi Sığorta üzrə Dövlət Agentliyinin İdarə Heyətinin sədri Kürdəmirdə vətəndaşları qəbul edib

Naxçıvanda ilk dəfə maralfalfa bitkisi əkilib

Milli Kitabxanada Əli Tudənin anadan olmasının 100 illiyi qeyd edilib

Azərbaycan-Çin əlaqələri - tarixi İpək yolundan başlanan dostluq

® “Azercell” gənclərin informasiya texnologiyaları sahəsində inkişafını dəstəkləməyə davam edir

BMT-nin İnkişaf Proqramı çərçivəsində COP29-la bağlı potensial tərəfdaşlıq müzakirə olunub

Ədəbiyyat Muzeyində “Soyqırımlarının qıra bilmədiyi sarsılmaz iradə” mövzusunda elmi sessiya keçirilib

Qubada aqrar sahənin investisiya imkanları və yeni çağırışlar müzakirə olunub

Rusiya XİN: Ermənistan quru yerdə qala bilər

® “Rabitəbank”dan yüksək keşbekli əməkhaqqı kartı!

Ceyhun Bayramov: Sülh prosesinin irəlilədilməsi istiqamətində yeni çağırışlar yaradan bir sıra addımlar prosesə maneə törədir

Biləsuvarda Azərbaycanlıların Soyqırımı Gününə həsr olunan elmi konfrans keçirilib

Naftalanda şəhid ailələri və qazilər üçün iftar süfrəsi açılıb

Xabi Alonso “Bayer”də qalacağını açıqlayıb

Harvard Universiteti qədim kitabın cildindən insan dərisini çıxarıb

Naxçıvanda Azərbaycanlıların Soyqırımı Gününə həsr olunmuş elmi konfrans keçirilib

AZAL martın 31-dən yay uçuş cədvəlinə keçir

“Bülbülün qonaqları” rubrikası növbəti dəfə Məmməd Səid Ordubadiyə həsr olunub

Məktəblərdə direktor müavini vəzifəsinə işə qəbul üzrə təkrar müsahibə keçirilir

İlahiyyat İnstitutunun “Qonağınız müəllimlərinizdir” layihəsi davam edir

Mərkəzi Gömrük Hospitalında 31 Mart - Azərbaycanlıların Soyqırımı Gününə həsr edilmiş tədbir keçirilib

Quba şəhərindəki kütləvi məzarlıq 1918-ci il mart soyqırımının qanlı tablolarından biridir - elmi konfrans

“Telegram”da yeni funksiyalar olacaq

Təhsil müəssisəsində aşkar edilən qanunsuzluqlarla bağlı başlanmış cinayət işi məhkəməyə göndərilib

XƏBƏRDARLIQ: Hava şəraiti dəyişəcək, külək, yağış, qar, daşqın və sel gözlənilir

Aygün Zərbəliyeva: “Meta”da təxminən 20 nəfər azərbaycanlı çalışır

Rəcəb Tayyib Ərdoğan may ayında Vaşinqtona səfər edəcək

Aşqarlar Kimyası İnstitutunda mart soyqırımı qurbanlarının xatirəsi anılıb

Energetika naziri Qazaxda vətəndaşlarla görüşüb

“Everton”un sabiq futbolçusu ömürlük həbs oluna bilər

Türkiyədə bələdiyyə seçkilərinə hazırlıq başa çatıb

Gənclərə ətraf mühitin qorunması, alternativ enerji mənbələri mövzularında təlim keçirilib

31 Mart - tarixi yaddaşımızdan silinməyən soyqırımı

Məhkumların uşaqları həm əyləndi, həm öyrəndi

Tovuzda 40 yaşlı kişini “tok” vurub öldürdü

“2026-cı ilə qədər 6000 keçmiş məcburi köçkünün peşə təliminə cəlb olunması nəzərdə tutulub” - AÇIQLAMA

® Mərkəzi Gömrük Hospitalının həkimi Almatıda keçirilən beynəlxalq elmi-praktik konfransda məruzə ilə çıxış edib

® “PAŞA Qrup” şirkətləri tərəfindən Novruz bayramı ərəfəsində növbəti sosial aksiya keçirilib

"Aqroservis" ASC-nin sədr müavini Zaqatalada vətəndaşları qəbul edib, təsərrüfatlarla tanış olub

“AzScienceNet” Şəbəkə İdarəetmə Mərkəzində “FileSender” xidməti istifadəyə verilib

Azərbaycan alimi nüfuzlu jurnalın redaksiya heyətinin üzvü seçilib

® “Unibank” biznes mobil bankçılıq üzrə ən yaxşı banklar siyahısındadır

Turizm və Menecment Universitetində 1918-ci il mart soyqırımına həsr olunan tədbir keçirilib

Türk Mədəniyyəti və İrsi Fondunun növbəti layihəsi – “Turk Discovery” yutub platforması

Bakıdakı təsnifat turnirində 33 ölkənin güləşçiləri mübarizə aparacaqlar

BMU-da Azərbaycanlıların Soyqırımı Günü qeyd olunub

Ömür boyu eyni yerdə işlədi, İkinci Dünya müharibəsindən sonra Türkiyəyə yollanmış atasını tapdı... Vəfalı oldu

Kukla Teatrında növbəti xeyriyyə aksiyası

Almaniyada kimlər daha çox pensiya alır?

Aqrar sığorta eksperti təlimi üçün müraciət müddəti uzadılıb

Havada toz müşahidə olunur

Mart soyqırımı amansızlığına və miqyasına görə bəşər tarixində ən qanlı faciələrdəndir RƏY

Qəsdən adam öldürməyə cəhd faktı ilə bağlı cinayət işi məhkəməyə göndərilib

Pasxa ərəfəsində Fransada təhlükəsizlik tədbirləri gücləndirilir

Ceyhun Kərəmov: Böyük Qayıdış regionda peşə təhsili sistemi üçün də yeni imkanlar açır - YENİLƏNİB

Bu gündən 181 avtobus yeni nəqliyyat mübadilə mərkəzindən hərəkət edəcək

İsveçrənin hidrogen qatarı rekord vurub

“Meta” səsimizi dinləyirmi? Şirkətin London ofisində çalışan azərbaycanlı ilə MÜSAHİBƏ VİDEO

Azərbaycan Respublikası Vergilər Nazirliyinin Kollegiyasının 2016-cı il 7 sentyabr tarixli 1617050000011400 nömrəli Qərarı ilə təsdiq edilmiş “Səyyar vergi yoxlamasının keçirilməsi Qaydaları”nda dəyişiklik edilməsi barədə
Azərbaycan Respublikası İqtisadiyyat Nazirliyinin Kollegiyasının QƏRARI

Azərbaycan Respublikası Vergilər Nazirliyinin Kollegiyasının 2015-ci il 19 may tarixli 1517050000003100 nömrəli Qərarı ilə təsdiq edilmiş “Fiziki şəxslərin uçota alınması, yenidən uçota alınması və uçotdan çıxarılması Qaydaları”nda dəyişiklik edilməsi barədə
Azərbaycan Respublikası İqtisadiyyat Nazirliyinin Kollegiyasının QƏRARI

Bu ilin fevralında Türkiyənin ticarət balansının kəsiri azalıb

Tədqiqat: Təbii və süni dadlandırıcılar qanda şəkəri azaldır

Bakıda informasiya texnologiyaları və onların tətbiqi üzrə 2-ci beynəlxalq konfrans keçiriləcək

Laçındakı Aqrosənaye parkında 46 müəssisə fəaliyyət göstərəcək

Qulu Ağsəsin “Görsən üşüyürsən...” adlı şeirlər kitabı çap olunub

Moskvada MDB İqtisadi Şurasının iclası keçirilib VİDEO

Türkiyədə ABŞ nümayəndə heyəti ilə Ukrayna müharibəsi və terrorizmlə mübarizə məsələləri müzakirə ediləcək

Argentina millisinin futbolçusunu hədələyən cinayətkarlar saxlanılıb

Yaz mövsümü və allergik xəstəliklər

Azərbaycan Premyer Liqasında daha 2 turun cədvəli məlum olub

Deputat: Mart soyqırımları bəşər tarixində ən qanlı faciələrdəndir

Əmək və əhalinin sosial müdafiəsi naziri Neftçalada vətəndaşları qəbul edib

Bakıda VI Ümumdünya Mədəniyyətlərarası Dialoq Forumu keçiriləcək

Barselonada ekstremal quraqlıq hökm sürür

“Uğurlarımın arxasında duran ən böyük səbəb budur” – peşə məktəbi məzununun UĞUR HEKAYƏSİ

Azərbaycan Kubokunda yarımfinal mərhələsinin cavab oyunlarının proqramı açıqlanıb

Fransa dövləti və Daxili Təhlükəsizlik Baş İdarəsi məhbusu necə manipulyasiya edib?

Salyan sakinindən külli miqdarda heroin götürülüb

ABŞ-ın Ukraynaya yardımının ümumi məbləği 113 milyard dolları keçib

Sabah ölkə ərazisində hava şəraiti dəyişkən buludlu olacaq

“60 çiçək – bir çələng” adlı Zəfər almanaxı işıq üzü görüb

Baş katib: Azərbaycan basketbolunda yeni tarix yazmaq istəyirik

Ən varlı amerikalıların 1 faizinin sərvəti 44,6 trilyon dollara yüksəlib

Milli Kitabxanada 31 Mart - Azərbaycanlıların Soyqırımı Günü ilə əlaqədar tədbir təşkil olunub

Kembricdə şahzadə Filippin heykəlini demontaj edəcəklər

BDU-da Günəş aktivliyinin tədris göstəricilərinə təsiri məsələsi müzakirə olunub

Moskvada MDB İqtisadi Şurasının 101-ci iclası başlayıb

Ölkəyə idxal olunan bir sıra qida məhsullarında uyğunsuzluqlar aşkarlanıb

Səhiyyə Nazirliyi Laçın şəhərində uşaqların kompleks tibbi müayinəsini aparıb və maarifləndirici aksiya təşkil edib

Olimpiya idman növləri üzrə federasiyalar üçün seminar keçirilib

Ramazan bayramı ilə əlaqədar Bakı-Qəbələ-Bakı marşrutu üzrə qatarların hərəkətində dəyişiklik edilir

Dövlət Ekoloji Təhlükəsizlik Xidməti ictimai-iaşə obyektlərinin sahiblərinə çağırış edib

Cənubi Koreyada sürət qatarı ilə doğum səviyyəsi arasında maraqlı əlaqə tapıblar

Bakı kəndləri arasında futbol turniri başlayır 

AzMİU-da maarifləndirici seminar - Plastik tullantıların təbiətə zərəri

Dövlət Su Ehtiyatları Agentliyinin sədri Gəncə şəhərində vətəndaşlarla görüşüb

Milli Məclisin növbəti plenar iclasının vaxtı açıqlanıb

Kainatın bir çox sirrini açmağa imkan yaradan texnoloji yenilik