Müəlliflik hüququna əsaslanan sahələrin ÜDM-də payı 2,9 faizə yüksəlib
Bakı, 3 mart, AZƏRTAC
Müəlliflik hüququna əsaslanan kreativ sənaye sahəsində 2022-ci ildə əvvəlki ilə aid milli iqtisadiyyat sahələri üzrə faktiki statistik göstəricilər və dövlət büdcəsi rəqəmləri təhlil edilib, bu sahələrdə istehsal həcminin 4990,0 milyon manat olduğu müəyyən edilib. Bu da ölkənin ÜDM-in 5,3 faizini təşkil edir və hazırda inkişaf etmiş ölkələr səviyyəsindədir.
Bu barədə AZƏRTAC-a Əqli Mülkiyyət Agentliyindən məlumat verilib. Bildirilib ki, müəlliflik hüququna əsaslanan sahələrin payı son 11 ildə artaraq 1,8 faizdən 2,9 faizə yüksəlib. Bu sahənin inkişafının vacib göstəriciləri olan əsas müəllif hüququ sənayesinin sahələri, istehsalları və digər bölmələri üzrə 2779,9 milyon manat (2,9 faiz), qarşılıqlı asılılıq münasibətlərində olan sahələr üzrə 830,7 milyon manat (0,9 faiz), müəllif hüququna qismən əsaslanan sahələr üzrə 477,2 milyon manat (0,5 faiz) və müvafiq sənayenin köməkçi sahələri 902,2 milyon manat (1 faiz) təşkil edib.
Bölmənin digər xəbərləri
