SİYASƏT


Pakistanlı jurnalist: Azərbaycan öz torpaqlarını azad etməkdə haqlıdır

Paris, 21 oktyabr, AZƏRTAC

Azərbaycan xalqı sülhsevər xalqdır. Bu ölkə həmişə sülh istəyib. 27 il sülh arzusu ilə yaşayan xalqın səbri tükənib. O, torpaqlarını azad etməkdə haqlıdır. Ancaq bu gün Qərb heç də dediyi kimi sülhün bərpasında maraqlı deyil. Qərb ölkələri daima sülhdən danışırlar, ancaq sülh uğrunda ciddi səylər göstərməyib və göstərmir.

Bu fikirləri Parisdə Azərbaycan Mədəniyyət Mərkəzində jurnalistlər üçün təşkil edilmiş mətbuat konfransında iştirak etmiş pakistanlı jurnalist Ateeq Sahibzadə AZƏRTAC-a müsahibəsində deyib.

Bildirib ki, Qərb həmişə öz maraqlarına görə hərəkət edib. Ədalət, sülh unudulub. Son onilliklər ərzində baş verən müharibələrə nəzər salanda bunu aydın görmək olur. Dünyada sülh artıq maraqlara çevrilib. Müharibələrin uzun müddət davam etməsində Qərbin öz maraqları var.

Azərbaycan öz torpaqlarını - Dağlıq Qarabağ ətrafındakı 7 rayonu azad etməlidir, bu gün Azərbaycan haqq yolundadır. Əminəm ki, Azərbaycan tezliklə bütün torpaqlarını azad edəcəkdir.

A.Sahibzadə Pakistanın Azərbaycanı həmişə dəstəklədiyini deyərək, iki ölkə arasında yüksək səviyyəli sıx dostluq əlaqələrinin olduğunu vurğulayıb.

Şəhla Ağalarova

AZƏRTAC-ın xüsusi müxbiri

Paris

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.