“Qara kvadrat” daha Tretyakov qalereyasını tərk etməyəcək
Bakı, 21 avqust, AZƏRTAC
Kazemir Maleviçin 1915-ci ildə çəkdiyi məşhur “Qara kvadrat” əsəri daha Tretyakov qalereyasını tərk etməyəcək. AZƏRTAC xəbər verir ki, bunu Tretyakov qalereyasının baş direktoru Zelfira Trequlova “İzvestiya” nəşrinə müsahibəsində söyləyib. Onun sözlərinə görə, tablo 2003-cü ildən qalereyada saxlanılır və buranı heç vaxt tərk etməyəcək.
Z.Trequlova qeyd edib ki, “Qara kvadrat” dünya incəsənətinin ən məşhur əsərlərindən biridir və qalereyanın daimi ekspozisiyasında nümayiş etdirilməlidir. Hazırda Tretyakov qalereyasında Maleviçin 1915-ci ildə çəkdiyi birinci “Qara kvadrat” əsəri və onun 1929-cu ilə aid ikinci variantı nümayiş etdirilir.
Bölmənin digər xəbərləri
