MƏDƏNİYYƏT


Respublika Qadınlar Cəmiyyətində Ulu Öndərin 90 illik yubileyi qeyd edilmişdir

Bakı, 9 may (AZƏRTAC). Mayın 9-da Respublika Qadınlar Cəmiyyətində ümummilli lider Heydər Əliyevin 90 illik yubileyinə həsr edilmiş tədbir keçirilmişdir.

AZƏRTAC xəbər verir ki, Cəmiyyətin üzvləri əvvəlcə Fəxri xiyabana gələrək Ulu Öndərin xatirəsini ehtiramla yad etmiş, məzarı önünə tər güllər düzmüşlər.

Tədbir iştirakçıları görkəmli oftalmoloq alim, akademik Zərifə xanım Əliyevanın da məzarı üzərinə tər çiçəklər düzmüşlər.

Sonra tədbir Cəmiyyətin ofisində davam etdirilmişdir.

Cəmiyyətin sədri Bahar Qasımova müstəqil Azərbaycanın memarı və qurucusu Heydər Əliyevin bütün mənalı ömrü boyu xalqımızın xoşbəxtliyi uğrunda mübarizə apardığını, onun siyasi kursunun layiqli davamçısı Prezident İlham Əliyevin bu gün həmin yolu uğurla davam etdirdiyini bildirmişdir.

Tədbirdə polis polkovniki Gülbahar Məmmədova, vaxtilə Azərbaycan SSR Ali Soveti Rəyasət Heyətinin katibi işləmiş Rəfiqə Qazıyeva, Ümummilli Liderin xüsusi qayğısını görmüş Rəhim Hüseynov, şəhid anası Fəridə Fətullayeva və başqaları bu böyük şəxsiyyətlə bağlı xatirələrini söyləmişlər.

Sonda ümummilli lider Heydər Əliyevə həsr olunmuş film nümayiş etdirilmişdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.