Sığorta vasitəçiliyi üzrə fəaliyyətə lisenziyanın alınması üçün attestasiyanın nəticələri açıqlanıb
Bakı, 23 avqust, AZƏRTAC
Sığorta vasitəçiliyi üzrə fəaliyyətə lisenziyanın alınması üçün keçirilmiş attestasiyanın nəticələri açıqlanıb.
Maliyyə Bazarlarına Nəzarət Palatasının (MBNP) mətbuat xidmətindən AZƏRTAC-a bildiriblər ki, sığorta vasitəçiliyi fəaliyyətinə lisenziya almaq istəyən və sığortaçıda rəhbər vəzifəyə təyinatı nəzərdə tutulan şəxslər üçün MBNP-də attestasiya keçirilib. Nəticələrə əsasən, namizədlərdən 9-u keçid balını toplayaraq attestasiyanı müvəffəqiyyətlə başa vurub.
Qeyd edək ki, "Sığortaçıların rəhbər işçisi vəzifələrinə namizədlər müvafiq sığorta vasitəçiliyi üzrə fəaliyyətə lisenziya, həmçinin aktuari fəaliyyətinə aktuari şəhadətnaməsi almaq istəyən fiziki şəxslər üçün attestasiyanın təşkili və keçirilməsi" Qaydalarının 5.6-cı bəndinə əsasən attestasiyada iştirak edən şəxs 70 test tapşırığına düzgün cavab verdikdə attestasiyadan keçmiş hesab olunur.
Bölmənin digər xəbərləri
