İDMAN


Taekvondo üzrə üçüncü beynəlxalq açıq Bakı turnirinin qalibləri müəyyənləşib

Bakı, 21 oktyabr, AZƏRTAC

Bakı Şəhər Gənclər və İdman Baş İdarəsi tərəfindən Şağan Olimpiya İdman Kompleksində taekvondo üzrə 3-cü beynəlxalq açıq paytaxt turniri keçirilib.

AZƏRTAC xəbər verir ki, turnirdə Azərbaycan, İran, Özbəkistan və Rusiyadan 250-dən çox idmançı iştirak edib.

Turnirdə 7-8 yaşlı idmançıların yarışında Kürşad Qurbanlı, Yusif Talıblı, İbrahim Babayev, 9-10 yaşlıların mübarizəsində Murad Rəhimov, İsrafil Nəcəfov, Nihad Qəhrəmanlı, Feruzbek Uzmanov (Özbəkistan) və Vüqar Aslanov qızıl medal qazanıblar.

Asadbek Akbarov (Özbəkistan), Yasin İbrahimov, İbrahim Xəlilov 11-13, Alişan Orucov, Farhad Tahiri (İran), Murad Yasayev (Rusiya) 14-15, Rüstəm Əliyev və İlkin Şahbazov isə 16-17 yaşlı idmançıların yarışında fəxri kürsünün ən yüksək pilləsinə qalxıblar.

Kişilər arasında Fərid Mehdizadə, Vəli Həsənov, Maxmud Akramov (Özbəkistan) və Həsən Həsənzadə birinci olublar.

Ümumi komanda hesabında Azərbaycan birinci, Özbəkistan ikinci, İran isə üçüncü pillədə qərarlaşıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.