İQTİSADİYYAT


Tezliklə sərnişindaşımada vahid bilet sistemi tətbiq ediləcək

Bakı, 7 yanvar, Elvin Camalov, AZƏRTAC

Taksi və qeyri-müntəzəm daşımalarda yeni platforma yaradılır.

AZƏRTAC xəbər verir ki, bu barədə Dövlət Avtomobil Nəqliyyatı Xidmətinin rəisi Həbib Həsənov deyib.

O bildirib ki, bu ildən taksi və qeyri-müntəzəm daşımalarda yeni platforma yaradılır, həmçinin sərnişin və yükdaşımalarda da bir sıra texnologiyaların tətbiqi nəzərdə tutulur. Belə ki, tezliklə sərnişindaşımada vahid bilet sistemi tətbiq ediləcək. Bu sistem ölkənin avtovağzallarında dispetçer fəaliyyətinin yaradılması və gediş-dönüş biletlərinin rahat şəkildə alınmasını təmin edən bir sistemdir.

H.Həsənovun sözlərinə görə, taksi, eləcə də qeyri-müntəzəm daşımalarda yeni platformanın yaradılması istiqamətində də xarici mütəxəssislərlə təcrübə mübadiləsi aparılıb. Taksi daşımalarında mövcud olan yeni sistemlərin Azərbaycanda da tətbiqini təkmilləşdirmək, onları vahid platformada birləşdirmək, bu sistemin iştirakçıları arasında olan münasibətləri tənzimləmək, onların dövlət qarşısında olan öhdəliklərini, vəzifələrini vahid bir məkanda tənzimləmək planlaşdırılır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.