İDMAN


Topaz Premyer Liqası: “Neftçi” komandası yeni mövsümdə ilk qələbəsini qazanıb

Bakı, 11 avqust, AZƏRTAC

Avqustun 11-də Azərbaycan Topaz Premyer Liqasının 2018-2019-cu il mövsümünə start verilib.

AZƏRTAC xəbər verir ki, yeni mövsümün açılış matçında “Sumqayit” klubu doğma meydanda – “Kapital Bank Arena”da “Neftçi” komandasını qəbul edib. Maraqlı idman mübarizəsi şəraitində keçən oyunda hesabı qonaqlar açıblar. Matçın 27-ci dəqiqəsində cinah ötürməsini “Neftçi”nin heyətində Mirabdulla Abbasov başla dəqiq tamamlayıb - 0:1. Birinci hissə “Neftçi”nin minimal hesablı üstünlüyü ilə başa çatıb.

Qarşılaşmanın 66-cı dəqiqəsində sumqayıtlıların oyunçusu Vüqar Hüseynov ikinci sarı vərəqə alaraq meydandan kənarlaşdırılıb. Azlıqda qalan Sumqayıt təmsilçisi matçın 72-ci dəqiqəsində qapısında ikinci topu görüb. Müdafiəçilərin səhvindən istifadə edən Emin Mahmudov hesab arasındakı fərqi artırıb - 0:2. Qalan dəqiqələrdə qapılara top vurulmayıb və “Neftçi” yeni mövsümə qələbə ilə başlayıb.

Avqustun 12-də “Qəbələ” ilə “Səbail”, “Keşlə” və “Sabah” komandaları qarşılaşacaqlar. “Qarabağ”-“Zirə” qarşılaşması ağdamlıların avrokuboklarda iştirakı ilə əlaqədar sentyabrın 26-da oynanılacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.