“UniLab” layihəsi çərçivəsində müzakirələr aparılıb
Bakı, 1 fevral, AZƏRTAC
Xəzər Universitetinin İnkişaf Mərkəzində “UniLab” layihəsi çərçivəsində növbəti müzakirə təşkil edilib.
Universitetdən AZƏRTAC-a bildirilib ki, müzakirənin əsas mövzusu universitet-biznes əməkdaşlığının genişləndirilməsi olub. Müzakirələrdə universitetin Təbiət elmləri və mühəndislik fakültəsinin xaricdə təhsil alan məzunları iştirak ediblər.
Tədbirdə “UniLab” layihəsi, onun məqsədləri və tərəfdaşları haqqında məlumat verilib. Müzakirələrdə universitetlərdə karyera mərkəzlərinin olmasının vacibliyi və universitet-biznes əməkdaşlığının yeni modellərinin yaradılmasının əhəmiyyəti vurğulanıb.
Bölmənin digər xəbərləri
