Xəzər Universitetində interaktiv seminar
Bakı, 12 iyul, AZƏRTAC
Xəzər Universiteti ilə ABŞ səfirliyi arasındakı tərəfdaşlığa uyğun olaraq CBELT-TKT layihəsi çərçivəsində “Dilin kommunikativ tədrisinin kontekstual tələblərə həssaslığı: Azərbaycan nümunəsi” mövzusunda interaktiv seminar keçirilib.
Universitetdən AZƏRTAC-a bildirilib ki, seminarda Bakı, Abşeron, Sumqayıt və Azərbaycanın müxtəlif bölgələrindəki məcburi köçkün məktəblərindən olan ingilis dili müəllimləri iştirak ediblər.
Xəzər Universitetinin İngilis dili və ədəbiyyatı departamentinin müəllimi Gülnur Nəbiyeva mövzu ilə bağlı fikirlərini bölüşüb.
Tədbir interaktiv şəkildə davam edib. Müəllimlər müzakirə prosesində fəal iştirak edib, fikir və iradlarını bildirib, təcrübələrini bölüşüblər.
Sonda təlim iştirakçılarına sertifikatlar verilib.
Bölmənin digər xəbərləri
