DÜNYA


Yaponiyada 2020-ci ildə keçiriləcək Olimpiadaya ilk biletlərin alışı üçün qeydiyyat başlayıb

Tokio, 9 may, AZƏRTAC 

2020-ci ildə Tokioda keçiriləcək Olimpiadaya və Paralimpiya Yay Oyunlarına ilk biletlərin əldə edilməsi məqsədilə təşkil edilən xüsusi lotereyada iştirak etmək üçün qeydiyyat başlayıb.

AZƏRTAC xəbər verir ki, bu barədə Oyunların Təşkilat Komitəsi məlumat yayıb.

Biletlər xüsusi lotereya ilə əldə ediləcək. Lotereyanın iştirakçıları oyunların saytından qeydiyyatdan keçməlidir və Yaponiyada yaşamalıdır. Qaliblər iyunun 20-də açıqlanacaq.

2019-cu ilin payızında isə biletlərin satışının ikinci turu başlayacaq. Həmin biletləri birinci turda müraciət edən, lakin qazana bilməyən şəxslər əldə edəcək. Biletlərin sərbəst satışına isə 2020-ci ilin yazında başlanılacaq.

Təşkilatçıların bildirdiyinə görə, tamaşaçılara çox da baha olmayan milyonlarla bilet təklif ediləcək. Biletlərin qiyməti 2500-8000 yen (təqribən 22-72 dollar) arasında olacağı bildirilir.

Xatırladaq ki, Olimpiya Oyunları 2020-ci il iyulun 24-dən avqustun 9-dək keçiriləcək.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.