DÜNYA


Yaponiyada leysanlar və torpaq sürüşməsi nəticəsində ölənlərin sayı 80-ə çatıb

Bakı, 8 iyul, AZƏRTAC

Yaponiyanın qərbində davam edən leysanlar və torpaq sürüşməsi azı 80 nəfərin ölümünə səbəb olub. Bu barədə Kyodo agentliyi məlumat yayıb.

AZƏRTAC Anadolu informasiya agentliyinə istinadla xəbər verir ki, ölkənin 19 regionunda baş verən təbii fəlakət nəticəsində 40-dan çox insan itkin düşüb.

Yaponiya hökumət sözçüsü Yoşihide Suga axtarış xilasetmə işlərinə 54 min nəfərlik mülki müdafiə, sahil təhlükəsizlik, polis və yanğınsöndürmə briqadalarının cəlb olunduğunu açıqlayıb.

Evakuasiya mərkəzlərində 30 mindən çox insanın olduğu bildirilir. Beş milyondan çox insana isə təxliyə olunmaq tövsiyə edilib.

Çaylarda suyun səviyyəsinin böhran həddinə çatdığı Xirosima və Kioto prefekturalarında vəziyyət çox ağırdır. Təbii fəlakətin vurduğu zərbə səbəbindən böyük müəssisə və fabriklər işini dayandırıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.