Yardımlıda iribuynuzlu mal-qaranın sayı artıb
Yardımlı, 13 yanvar, Bağır Əliyev, AZƏRTAC
Yardımlı rayonunda aqrar bölmənin aparıcı sahələrindən biri heyvandarlıqdır. Ölkəmizdə kənd təsərrüfatı sahəsində aparılan islahatlar, dövlət tərəfindən məhsul istehsalçılarına verilən subsidiyalar, güzəştli kreditlər rayon sakinlərinin bu sahənin inkişafına marağını artırıb.
Yardımlı Rayon Statistika İdarəsindən AZƏRTAC-ın bölgə müxbirinə verilən məlumata əsasən, bu ilin əvvəlinə rayonda iribuynuzlu mal-qaranın sayı 29 min 23, o cümlədən inək və camışların sayı 14 min 922, davarların sayı isə 86 min 630 baş qeydə alınıb.
Əvvəlki ilin müvafiq dövrü ilə müqayisədə rayonda iribuynuzlu mal-qaranın sayı 17 baş artıb.
Rayonda 37 min 28 sentner diri çəkidə ət, 243 min 429 sentner süd, 18 min 320 min ədəd yumurta, 1571 sentner yun istehsal olunub.
Bölmənin digər xəbərləri
