CƏMİYYƏT


Yaşıl fikirlə sağlam gələcəyə...

Bakı, 28 iyun, AZƏRTAC

Polietilen torbalardan və plastik butulkalardan istifadənin azaldılması istiqamətində aparılan maarifləndirici layihələr çərçivəsində Ekologiya və Təbii Sərvətlər Nazirliyinin (ETSN) təşəbbüsü ilə növbəti aksiya keçirilib.

Nazirliyin mətbuat xidmətindən AZƏRTAC-a bildirilib ki, “Yaşıl fikirlə sağlam gələcəyə!” devizi altında bir neçə marketdə keçirilən aksiyada alıcılara ekoçantalar paylanılıb.

Aksiyanın keçirilməsində məqsəd polietilen torbalardan istifadənin tədricən azaldılmasına nail olmaq, alternativ vasitə kimi ekoçantalardan istifadəyə üstünlük verməkdir. Sosial aksiyada ekologiya və təbii sərvətlər naziri yanında İctimai Şuranın sədri Sevil İsayeva, “Eco Baku” qeyri-hökumət təşkilatının sədri Sarita Vaid alıcılara polietilen torbaların ziyanı barədə ətraflı məlumat veriblər.

Nazirlik əhalinin ətraf mühitin qorunmasına töhfə olaraq polietilen torbalardan istifadəni tədricən azaldacağına və ekoçantalara üstünlük verəcəyinə ümid edir.

Qeyd edək ki, plastik tullantıların düzgün idarə olunması və polietilen məmulatlardan istifadənin məhdudlaşdırılması ilə əlaqədar ETSN sosial aksiyaların keçirilməsini davam etdirəcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.