Yeni il ərəfəsində Lerikdə yeni yaşayış binası istifadəyə verilib
Lerik, 31 dekabr, Bağır Əliyev, AZƏRTAC
Yeni il ərəfəsində Lerik şəhərində Prezident İlham Əliyevin müvafiq Sərəncamı ilə inşa edilmiş 48 mənzilli yeni yaşayış binası sakinlərin istifadəsinə verilib.
AZƏRTAC-ın bölgə müxbiri xəbər verir ki, bu münasibətlə keçirilən tədbirdə çıxış edən Lerik Rayon İcra Hakimiyyətinin başçısı Rövşən Bağırov sakinləri əlamətdar hadisə və qarşıdan gələn bayramlar münasibətilə təbrik edərək onlara ən xoş arzularını çatdırıb.
Dünyanın inkişaf etmiş ölkələrində belə, vətəndaşlara dövlət hesabına, təmənnasız evlər verilmədiyini söyləyən R.Bağırov qeyd edib ki, Prezident İlham Əliyev yüksək humanistlik göstərərək, nəinki imtiyazlı şəxslərin, adi vətəndaşların mənzil şəraitinin yaxşılaşdırılması qayğısına qalır.
R.Bağırov yeni yaşayış binasının sakinlərinə mənzillərin orderlərini təqdim edib.
Yeni yaşayış binasında mənzil alan sakinlərdən Zülfiyyə Nəsirova, Sevil Ağayeva, Mahirə Məmmədova və başqaları çıxış edərək bu soyuq qış günündə onlara isti mənzillər hədiyyə etdiyinə, köhnə, şəraitsiz evlərinin əvəzində bütün kommunal xidmətlərlə əhatə olunmuş yaraşıqlı mənzillərlə təmin olunduqlarına və bayram ərəfəsində onlara hədiyyə edilən bu gözəl sovqata görə dövlətimizin başçısına minnətdarlıqlarını bildiriblər.
Tədbir iştirakçıları yeni yaşayış binasında mənzillərdə yaradılan şəraitlə tanış olublar.
Bölmənin digər xəbərləri
