® “GLA League of Legends” turnirinin qalibi müəyyənləşib
Bakı, 17 sentyabr, Nicat Məmmədov, AZƏRTAC
“GLA League of Legends” turnirinin qalibi müəyyənləşib.
AZƏRTAC xəbər verir ki, “Gaming League Azerbaijan”ın təşkilatçılığı, eləcə də Azərbaycan Kiber İdman Federasiyasının, Gənclər və İdman Nazirliyinin dəstəyi ilə “GLA League of Legends” turnirinin üçüncü seriyası keçirilib. Ümumilikdə 8 komandanın iştirak etdiyi yarış doqquz gün davam edib.
“Team First Blood” komandası “GLA League of Legends” turnirinin üçüncü seriyasının qalibi adını qazanıb. “Lets Go Baron Tofiq” adlı kollektiv ikinci yeri tutub. “Team Namiritz” ilk üçlüyü tamamlayıb.
Qeyd edək ki, 2019-cu ilə qədər olan statistikalara görə, 400 milyondan artıq insanın marağını qazanan kiber idman sahəsinin populyarlığı bu gün də artmaqdadır. Kiber idman 2022-ci ildə baş tutacaq 19-cu Asiya Oyunlarının proqramına sınaq kimi daxil edilib.
Azərbaycanda 2019-cu ildə yaradılan və kiber idman turnirləri keçirən GLA bu günədək 40-dan çox çempionat təşkil edib. Bu liqanın məqsədi Azərbaycanda kiber idman mədəniyyətinin və idman oyunlarının beynəlxalq səviyyədə inkişaf etdirilməsi, həm yerli, həm də beynəlxalq tədbirlərin keçirilməsi üçün şəraitin yaradılmasıdır.
Bölmənin digər xəbərləri
