DÜNYA


"Huawei" 5G xidmətləri üçün 100 mindən çox baza stansiyası satıb

Pekin, 9 iyun, AZƏRTAC

Çinin texnologiya nəhəngi "Huawei Technologies" şirkəti 5G xidmətləri üçün 30 ölkə ilə 46 kommersiya müqaviləsi imzalayıb.

AZƏRTAC "Huawei"ə istinadla xəbər verir ki, şirkət 5-ci nəsil mobil rabitə şəbəkəsi xidmətlərinin göstərilməsi üçün indiyədək 100 mindən çox baza stansiyası satıb. Çin şirkəti bu göstərici ilə dünyada liderdir.

Şirkətin yaydığı məlumatda bildirilir ki, "Huawei" 5G texnologiyaları üzrə böyük uğurlar qazanıb. Şirkət ötən ilin fevralında dünyada ilk 5G mobil əlaqəsini də həyata keçirib.

Baş ofisi Çinin cənubundakı Şencen şəhərində yerləşən "Huawei" dünyada telekommunikasiya avadanlığı istehsalı üzrə lider şirkət olmaqla yanaşı, qlobal smartfon istehsalında da ilk üçlükdə qərarlaşıb.

Şahin Cəfərov

AZƏRTAC-ın xüsusi müxbiri

Pekin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.