"Bavariya"nın qapıçısı antirekorda imza atıb
Bakı, 14 aprel, AZƏRTAC
Almaniyanın “Bavariya” komandasının qapıçısı Yonas Urbiq antirekorda imza atıb.
AZƏRTAC xəbər verir ki, o, Münxen təmsilçisinin tarixində Bundesliqada debüt etdiyi mövsümün ilk beş oyununda qol buraxan yeganə qolkiper olub.
21 yaşlı oyunçu “Bohum" (2:3), "Union" (1:1), "Sankt-Pauli" (3:2), "Auqsburq" (3:1) və "Borussiya Dortmund”la (2:2) matçlarda qapısında top görüb.
Qeyd edək ki, gənc qapıçı mart ayının əvvəlində baldır əzələsindən zədə alan Manuel Noyerin əsas əvəzləyicisidir.
Bölmənin digər xəbərləri
