"Netflix"in həmtəsisçisi: Azərbaycan maraqlı məzmunun yaradıla biləcəyi bir yerdir
Bakı, 30 sentyabr, AZƏRTAC
Azərbaycan həm maraqlı məzmunun yaradıla biləcəyi bir yer, həm də maraqlı məzmunun izlənilə biləcəyi mükəmməl bir nümunədir.
AZƏRTAC xəbər verir ki, bu barədə "Netflix"in həmtəsisçisi Marc Randolph “PAŞA Holdinq”in təşkilatçılığı ilə Bakıda keçirilən "INMerge" İnnovasiya Forumunda keçirilən brifinqdə deyib.
“Mən “Netflix”də işə başlamışam və orada maraqlı proseslərin çoxunda iştirak etmişəm, amma artıq bir neçə ildir oradan ayrılmışam. Mənim peşəkarlığım daha çox erkən mərhələdəki şirkətlər və innovasiya yaratmaq sahəsindədir. "Netflix"in düzgün gördüyü işlərdən biri budur ki, bütün dünya həmişə ABŞ istehsalı olan məzmunu izləmək istəmir. Onlar böyük bir eksperiment apardılar. Başqa ölkələrdən çıxan məzmun başqa yerlərdə uğur qazana bilərmi? Məsələn, İspaniya istehsalı olan “Money Heist” beynəlxalq hit oldu. Koreya istehsalı olan “Squid Game” isə qlobal səviyyədə ən böyük uğurlardan birinə çevrildi. Bu göstərir ki, hekayə danışmaq universal dildir. Yaxşı hekayələr hər yerdə rezonans yarada bilər. Hollivudda və ya İtaliyada istehsal olunması şərt deyil. Böyük hekayələr hər yerdə yaradıla bilər və Netflix bunu dəstəkləyir”, - deyə Marc Randolph əlavə edib.
Bölmənin digər xəbərləri
