Abbas Əraqçi: ABŞ diplomatik həll yoluna deyil, hərbi macəraya üstünlük verir
Bakı, 8 may, AZƏRTAC
İranın xarici işlər naziri cümə günü ABŞ-ni diplomatik həllin mümkün göründüyü bir vaxtda hərbi əməliyyatlara əl atmaqda ittiham edib.
AZƏRTAC xəbər verir ki, Əraqçi “X” sosial platformasında yazıb: “Hər dəfə diplomatik həll masada olduqda, ABŞ ehtiyatsız hərbi macəraya üstünlük verir. Səbəb nə olursa olsun, nəticə eynidir: iranlılar heç vaxt təzyiqə boyun əymirlər”.
Abbas Əraqçi, həmçinin ABŞ kəşfiyyatının İranın raket qabiliyyətləri ilə bağlı qiymətləndirmələrini rədd edib. O ABŞ və İsrailin müharibəyə başladığı günə istinad edərək yazıb: “Mərkəzi Kəşfiyyat İdarəsi səhv edir. Raket inventarımız və buraxılış qurğumuz 28 fevralla müqayisədə 75 faiz səviyyəsində deyil. Düzgün rəqəm 120 faizdir. Xalqımızı müdafiə etməyə hazırlığa gəldikdə, bu, 1000 faiz səviyyəsindədir”.
Bölmənin digər xəbərləri
