ABC: İran İsrailə 150-yə yaxın kamikadze dronla hücum edib
Bakı, 14 aprel, AZƏRTAC
İran İsrailə, ümumilikdə, 150-yə yaxın kamikadze dron atıb.
AZƏRTAC xəbər verir ki, bu barədə ABC telekanalı mənbələrə istinadla məlumat yayıb.
Bildirilib ki, İran İsrailə hücum zamanı ilk buraxılışda 70, ikincidə isə 80 drondan istifadə edib.
IRNA agentliyinin məlumatına görə, İslam İnqilabı Keşikçiləri Korpusu (SEPAH) İsraildəki hədəflərin raket və dronlardan istifadə edərək məhv olunduğunu açıqlayıb.
CNN isə mənbələrə istinadla bildirib ki, İranın İsrailə atdığı pilotsuz təyyarələr və ya ballistik raketlər hər hansı hədəfi vura bilməyib. Qeyd olunub ki, İsrail səmasında hava hücumundan müdafiə sistemləri fəal şəkildə fəaliyyət göstərir.
Bölmənin digər xəbərləri
