ABŞ AZƏRBAYCANDA VƏTƏNDAŞ CƏMİYYƏTİNİN İNKİŞAFINI DƏSTƏKLƏYİR
“Vətəndaş cəmiyyəti” layihəsindən məqsəd Azərbaycanda demokratik təsisatların, vətəndaş cəmiyyətinin daha da möhkəmlənməsinə yardım etməkdir. Beş ilə nəzərdə tutulmuş layihəni ABŞ-ın “Counterpart İnternational” təşkilatı icra edir.
Bildirilmişdr ki, layihə çərçivəsində keçirilmiş qrant müsabiqəsinin qalibləri olan 8 QHT-dən 6-sı Azərbaycanın bölgələrində fəaliyyət göstərir.
Prezidentin İcra Aparatının ictimai-siyasi məsələlər şöbəsinin ictimai-siyasi təşkilatlarla iş sektorunun müdiri Tahir Süleymanov Azərbaycan hökuməti ilə ABŞ Beynəlxalq İnkişaf Agentliyi arasındakı yaxşı əməkdaşlığı qeyd etmişdir. O, Azərbaycan hökumətinin həmin layihənin icrasına hər cür dəstək göstərməyə hazır olduğunu bildirmişdir.
