ABŞ-də kimya zavodunda baş verən qaz sızması iki nəfərin ölümünə səbəb olub
Bakı, 23 aprel, AZƏRTAC
ABŞ-nin Qərbi Virciniya ştatında kimya zavodunda baş verən qaz sızması iki nəfərin ölümünə səbəb olub.
AZƏRTAC xəbər verir ki, bu barədə “Associated Press” agentliyi məlumat yayıb. Nəşrin məlumatına görə, "Catalyst Refiners" zavodunda qismən bağlanmaya hazırlıq işləri zamanı qəza baş verib. Zavodun ərazisində saxlanılan qablarda azot turşusu ilə kimyəvi reaksiya baş verib və nəticədə zəhərli hidrogen sulfid qazı əmələ gəlib. 30-dan çox insan zəhərlənib, onlardan ikisi ölüb. Öskürək, nəfəs darlığı, boğaz ağrısı və göz qıcıqlanmasından şikayətlənən zərərçəkənlər təcili yardım şöbəsinə aparılıblar. Onlardan birinin vəziyyəti ağırdır.
Bölmənin digər xəbərləri
