ABŞ DÖVLƏT DEPARTAMENTİ ERMƏNİLƏRİN XAHİŞİNİ RƏDD ETMİŞDİR
Dövlət Departamentinin mətbuat katibinin müavini Tom Keyzi bununla bağlı bildirmişdir ki, Amerikanın Erməni Milli Komitəsinin (ANCA) sədri Ken Haçikyanın imzası ilə göndərilmiş məktubu Prezident Buş heç oxumamışdır. Livana göndəriləcək sülhməramlı qoşunlarla bağlı məsələnin Nyu-Yorkda, BMT-nin qərargahında müzakirə olunduğunu diqqətə çatdıran Tom Keyzi, ABŞ hökumətinin sülhməramlıların tərkibində iştirak etmək istəyən bütün ölkələrin, o cümlədən Türkiyənin bu müzakirələrə qoşulmasının tərəfdarı olduğunu söyləmişdir.
Xatırladaq ki, ermənilərin məktubunda Türkiyənin Livana qoşun göndərməsinin Birləşmiş Ştatların mənafeyinə zidd olduğu bildirilirdi.
Bölmənin digər xəbərləri
