ABŞ-IN MALAYZİYADAKI SƏFİRLİYİNƏ ŞÜBHƏLİ ZƏRF GÖNDƏRİLMİŞDİR

16.08.2004 [18:47]
Çap et
A⁺ A^-

AZƏRTAC xarici informasiya agentliklərinə istinadla xəbər verir ki, ABŞ-ın Malayziyadakı dİplomatik nümayəndəliyi içində “naməlum maddə” olan zərf almışdır. Hadisədən dərhal sonra səfirliyin binasına yerli xilasedicilər gəlmişlər.

Səfirliyin mətbuat katibi Frenk Vaytaker demişdir ki, zərfin içindəki maddə təhlil olunur. Təhlil qurtarmayınca həmin maddənin səfirliyin əməkdaşlarının həyatı üçün təhlükə doğurub-doğurmayacağı barədə qəti bir söz demək qeyri-mümkündür.

Hələlik şübhəli zərfin poçtla göndərildiyi, yaxud səfirliyin poçt qutusuna atıldığı məlum deyildir. Səfirlik adi rejimdə işləməkdədir.