ABŞ QEYRİ-HÖKUMƏT TƏŞKİLATININ BİR QRUP ƏMƏKDAŞI MİSSİONERLİYƏ GÖRƏ ÖZBƏKİSTANDAN ÇIXARILMIŞDIR
QHT-nin 14 əməkdaşının akkreditasiya müddəti uzadılmamış və onlar ölkəni tərk etmişlər. Onların hamısı islam və pravoslav nümayəndələrini protestantlığa cəlb etmək cəhdində ifşa olunmuşdur. Ədliyyə Nazirliyində bildirmişlər ki, bu, “Vicdan azadlığı və dini təşkilatlar haqqında” respublika qanununu kobudcasına pozur.
Avqustun 28-də Ədliyyə Nazirliyi Amerika QHT-nin bu nümayəndəliyinin ləğv edilməsi haqqında Daşkənd şəhər mülki işlər məhkəməsinə məlumat vermişdir.
Özbəkistanın hökumət orqanları xristian təriqətlərinin müsəlmanlar arasında missionerliyindən narahatdırlar. Hökumət yanında Dövlət Dini İşlər Komitəsində xəbərdarlıq edirlər ki, “bu, dinlərarası münaqişəyə gətirib çıxara bilər”. Rus pravoslav kilsəsinin Orta Asiya yeparxiyasında da bu nöqteyi-nəzərə tərəfdardırlar.
Komitənin məlumatına görə, Özbəkistanda 16 konfessiyanın 2000-dən çox dini təşkilatı qeydiyyata alınmışdır.
Bölmənin digər xəbərləri
