ABŞ Senatı Ukraynaya yardım haqqında qanun layihəsini təsdiqləyib
Bakı, 13 fevral, AZƏRTAC
Ukrayna, İsrail və Tayvana 95 milyard dollarlıq yardımın ayrılmasını nəzərdə tutan qanun layihəsi ABŞ Senatında kifayət qədər səs toplaya bilib.
AZƏRTAC Reuters agentliyinə istinadla xəbər verir ki, 70 senator qanun layihəsinin lehinə, 29 senator isə əleyhinə səs verib. Sənəd Senatda təsdiqləndikdən sonra prosedura uyğun olaraq, Konqresin Nümayəndələr Palatasına göndərilir.
Lakin layihədə ABŞ-ın cənub sərhədində nəzarəti gücləndirmək barədə müddəalar əks olunmayıb. Qanunverici orqanın aşağı palatasının spikeri respublikaçı Mayk Conson Senatda baxılan sənəddə ABŞ-ın “qarşılaşdığı ən ciddi problemə” toxunmadığını vurğulayıb.
Bölmənin digər xəbərləri
