ABŞ UNİVERSİTETLƏRİNDƏ TƏHSİL ALMIŞ AZƏRBAYCANLI MAGİSTRLƏRƏ DİPLOMLAR TƏQDİM OLUNMUŞDUR
Tədbirdə qeyd olunmuşdur ki, Amerika Birləşmiş Ştatları 2002-ci ildən etibarən yüksək səviyyədə ali təhsil almış azərbaycanlı tələbələrə bu ölkənin universitetlərində müxtəlif sahələr üzrə magistr dərəcəsi almaq imkanı yaratmışdır. Magistratura proqramının həyata keçirilməsindən məqsəd Azərbaycan üçün yüksək ixtisaslı kadrlar hazırlamaqdır.
Bildirilmişdir ki, artıq USAİD təşkilatının “Star” təlim proqramı çərçivəsində 18, ABŞ səfirliyinin “Magistr dərəcəsi üzrə Edmund S. Maski mübadilə proqramı” nın xətti ilə 15 nəfər Alabama, Emori, Sirakuz, Tuleyn kimi məşhur universitetlərdə magistr dərəcəsi almışdır. Bu il isə daha 3 tələbə təhsilini davam etdirmək ücün Amerika Birləşmiş Ştatlarına göndərilmişdir.
Mərasimin sonunda sertifikatlar təqdim olunan magistrlər onlar üçün yaradılan şəraitə görə, Azərbaycan dövlətinə və ABŞ hökumətinə minnətdarlıqlarını bildirmişlər.
Bölmənin digər xəbərləri
