Abşeron yarımadasının su-kanalizasiya sisteminin yenidən qurulması planı hazırlanır
Bakı, 3 yanvar (AZƏRTAC). Abşeron yarımadasının su-kanalizasiya və yağış sularının idarə edilməsi sisteminin yaradılması üzrə “Master plan”ın hazırlanmasına başlanılmışdır.
“Azərsu” Açıq Səhmdar Cəmiyyətinin sədri Qorxmaz Hüseynov bildirmişdir ki, bu işlərin həyata keçirilməsi üçün Türkiyənin 3 şirkətinin yaratdığı konsorsium ilə müqavilə bağlanmışdır. “Master plan” həm su infrastrukturunun, həm kanalizasiya sisteminin, həm də yağış sularının idarə olunması sisteminin yaradılmasını əhatə edir.
Sənəddə 2035-ci ilədək Abşeron yarımadasının su-kanalizasiya və yağış sularının idarə olunması sisteminin kompleks planlanması, eyni zamanda, coğrafi informasiya sistemlərinin qurulması, idarəetmə strukturunun yaradılması, kadr hazırlıqları, istehlakçılarla işlərin qurulması və s. əksini tapacaqdır.
Bölmənin digər xəbərləri
