Abşeronda mebel salonunda baş verən yanğın söndürülüb
Xırdalan, 7 sentyabr, AZƏRTAC
Abşeron rayonunda mebel salonunda yanğın baş verib. Hadisə rayonun Mehdiabad qəsəbəsində qeydə alınıb.
AZƏRTAC xəbər verir ki, ümumi sahəsi 200 m² olan talvarın altına yığılan 2 m³ taxta materialları, "DT-130” markalı traktorun kabina hissəsi, bitişik ümumi sahəsi 1800 m² (hər mərtəbəsi 900 m²) olan ikimərtəbəli mebel salonunun 1-ci mərtəbəsində 1 ədəd plastikdən ibarət pəncərə çərçivəsi və içərisində 1 ədəd dolab 2 m² sahədə yanıb.
Salonun, traktorun qalan hissəsi, talvar və taxta materialları yanğından mühafizə olunub. Yanğın yanğından mühafizə bölmələri tərəfindən söndürülüb.
Faktla bağlı FHN-in müvafiq qurumları araşdırma aparır.
Bölmənin digər xəbərləri
