ACF: Hidayət Heydərovun dünya çempionatında iştirakı məşqçilərin qərarından asılı olacaq
Bakı, 14 sentyabr, AZƏRTAC
Azərbaycan cüdoçusu Hidayət Heydərovun zədəsi ciddi deyil.
Bu barədə AZƏRTAC-a Azərbaycan Cüdo Federasiyasından (ACF) məlumat verilib.
Bildirilib ki, idmançının zədəsi Bakıda keçiriləcək dünya çempionatının startınadək sağalacaq: “Lakin Olimpiya çempionunun mundial üçün heyətdə yer alması məşqçilər korpusunun qərarından asılı olacaq”.
Hidayət Heydərov zədə səbəbindən Macarıstanın paytaxtı Budapeştdə keçirilmiş “Böyük Dəbilqə” turnirində iştirak edə bilməyib.
Qeyd edək ki, Bakıda dünya çempionatı oktyabrın 4-11-də Milli Gimnastika Arenasında keçiriləcək.
Bölmənin digər xəbərləri
