Açıq Avropa kubokunda Azərbaycanın on cüdoçusu mübarizə aparacaq
Bakı, 8 fevral, AZƏRTAC
Fevralın 16-da İtaliyanın paytaxtı Romada cüdo üzrə kişilər arasında açıq Avropa kuboku start götürəcək.
AZƏRTAC xəbər verir ki, 49 ölkədən 311 idmançının mübarizə aparacağı turnirdə Azərbaycanı 10 cüdoçu təmsil edəcək. Turnirdə Oruc Vəlizadə, Davud Məmmədsoy, Rövşən Əliyev (60 kq), Tərlan Kərimov, İbrahim Əliyev (66 kq), Fəqan Quluzadə, Afiq Səfərli (81 kq), Qurban Qurbanov (90 kq), Sənan Əhmədov (100 kq), Ayxan Cəfərov (+100 kq) qüvvələrini sınayacaqlar.
Turnirə fevralın 17-də yekun vurulacaq.
Bölmənin digər xəbərləri
