ADSEA: Azərbaycanda su idarəçiliyi sahəsində ən uğurlu addımlardan biri bütün su qurumlarının birləşdirilməsidir
Bakı, 26 sentyabr, AZƏRTAC
Azərbaycanda su idarəçiliyi sahəsində lokal səviyyədə ən uğurlu addımlardan biri vahid su siyasətinin aparılması, bütün su qurumlarının birləşdirilməsidir.
AZƏRTAC xəbər verir ki, bunu Azərbaycan Dövlət Su Ehtiyatları Agentliyinin “Su və Meliorasiya Elmi Tədqiqat İnstitutu” publik hüquqi şəxsin Hidroloji tədqiqatlar şöbəsinin müdiri Rəşail İsmayılov Xəzər Su İnnovasiya Forumunda çıxışı zamanı deyib.
Onun sözlərinə görə, Azərbaycanda su sektorunda əvvəllər müxtəlif qurumlar fəaliyyət göstərib ki, bu da su ehtiyatlarının idarə olunmasında pərakəndəliyə gətirib çıxarıb.
“Yeni yaradılan Azərbaycan Dövlət Su Ehtiyatları Agentliyinin qarşısında çox böyük strategiya var. Ölkədə su ehtiyatlarının kompleks şəkildə effektiv idarə olunması üçün çox böyük addımlar atılacaq. Mənbədən suyun götürülərək istehlakçıya təhlükəsiz çatdırılması, hidrotexniki qurğuların təhlükəsizliyi, su mənbələrinin monitorinqi birbaşa bu qurumun səlahiyyəti altında olacaq”, - deyə ADSEA rəsmisi bildirib.
Bölmənin digər xəbərləri
