AFFA “ABN-BƏRDƏ” VƏ “MASALLI” KLUBLARINI 1000 MANAT CƏRİMƏLƏMİŞDİR
AFFA-dan AZƏRTAC-a bildirmişlər ki, qurumun nizam-intizam komitəsi Premyer Liqanın sonuncu turundan sonra bəzi komandaları cəzalandırmışdır.
“ABN-Bərdə” - “Olimpik” (Bakı) görüşündə meydan sahiblərinin 5 oyunçusu sarı vərəqə aldığı üçün, klub 1000 manat məbləğində cərimələnmişdir.
“Gənclərbirliyi” - “Bakı” oyununda isə Sumqayıt komandasının iki futbolçusu meydandan qovulduğu üçün klub rəhbərliyi 400 manat cərimə ödəyəcəkdir.
Cərimələr “Masallı” komandasından da yan keçməmişdir. Son turda Bakının “İnter” komandasını qəbul edən cənub regionunun təmsilçisinin 4 futbolçusu sarı vərəqə ilə cəzalandırıldığı üçün 1000 manat cərimə olunmuşdur.
Bölmənin digər xəbərləri
