AFFA AZƏRBAYCAN VƏ FİNLANDİYA GÖRÜŞÜNÜN HAKİMİNDƏN ŞİKAYƏT EDİB
Fevralın 29-da dünya çempionatının qrup seçmə mərhələsi çərçivəsində Azərbaycan və Finlandiya yığma futzal komandalarının görüşü zamanı oyunun baş hakiminin çıxardığı bir sıra qərarlar, xüsusilə, Azərbaycan yığmasının üzvü Vitali Borisovun əsassız olaraq meydandan çıxarılması AFFA rəhbərliyini narazı salmışdır.
AZƏRTAC AFFA-ya istinadən xəbər verir ki, bununla əlaqədar qurumun rəhbərliyi yığmamızın mübarizə apardığı qrupda hakimlərin idarəçiliyinə nəzarət edən UEFA hakim-inspektoruna şikayət etmişdir.
Qeyd edək ki, Finlandiya yığması ilə qarşılaşmada meydandan kənarlaşdırıldığı üçün, Vitali Borisov son turda Çexiya yığması ilə oyunu buraxmalı olacaqdır.
Bölmənin digər xəbərləri
