AFFA-nın nümayəndəsi Avropa çempionatının final oyununa təyinat alıb
Bakı, 31 may, AZƏRTAC
AFFA-nın futzal üzrə koordinatoru Zaur Hacı-Məhərrəmov İsraildə 17 yaşadək futbolçular arasında təşkil olunan Avropa çempionatının final oyununa təyinat alıb. AZƏRTAC xəbər verir ki, o, iyunun 1-də Fransa və Niderland yığmaları arasında keçiriləcək həlledici qarşılaşmada UEFA nümayəndəsi olacaq.
Zaur Hacı-Məhərrəmov daha əvvəl A qrupunda Almaniya - Lüksemburq, B qrupunda Fransa - Polşa, D qrupunda Şotlandiya - Portuqaliya, dörddəbir finalda isə Danimarka - Serbiya qarşılaşmalarında analoji vəzifəni yerinə yetirib.
Final görüşü Bakı vaxtı ilə saat 18:00-da başlayacaq.
Bölmənin digər xəbərləri
