AFFA-nın rəsmiləri “Uembli”də UEFA-nın seminarında iştirak edirlər
Bakı, 2 may, AZƏRTAC
Mayın 2-də İngiltərənin paytaxtı Londonda 2020-ci ildə təşkil olunacaq futbol üzrə Avropa çempionatı ilə bağlı UEFA-nın seminarı öz işinə başlayıb.
AZƏRTAC AFFA-ya istinadla xəbər verir ki, seminar “Avro-2020”nin oyunlarına ev sahibliyi edəcək milli assosiasiyaların və yerli təşkilat komitələri nümayəndələrinin iştirakı ilə “Uembli” stadionunda keçirilir.
Kommunikasiya və təbliğat mövzusunda təşkil olunmuş seminarda AFFA-nın marketinq və sponsorluq şöbəsinin müdiri Tural Piriyev və mətbuat və ictimaiyyətlə əlaqələr şöbəsinin müdiri Firuz Abdulla iştirak edirlər.
Seminara mayın 3-də yekun vurulacaq.
Bölmənin digər xəbərləri
