AFFA-NIN YENİ PREZİDENTİ SEÇİLDİ
“Neftçi” futbol klubunun prezidenti Ramiz Mirzəyev AFFA-nın rəhbəri vəzifəsinə əsas namizəd idi. Səsvermədə ölkə çempionatının yüksək liqasında çıxış edən 12 klubun - “Şəfa” (Bakı), “Bakılı” (Bakı), “Neftçi” (Bakı), “Turan” (Tovuz), “Qarabağ-Azərsun” (Ağdam), “Xəzər Universiteti” (Bakı), “Xəzər” (Sumqayıt), “Dinamo” (Bakı), MOİK (Bakı), “Kəpəz” (Gəncə), “Ədliyyə” (Bakı), “Şəmkir” (Şəmkir), yeddi regional federasiyanın, eləcə də Futzal Federasiyası, Həvəskar Futbol Federasiyası, Paralimpiya Futbol Federasiyası, Qadın Futbol Federasiyası, Uşaq Gənclər Futbol Federasiyası, Məşqçilər Birliyi, Futbolçular Birliyi, Hakimlər Birliyi, Futbol Veteranları İttifaqı və Futbol Həvəskarları İttifaqının nümayəndələri iştirak edirdilər.
Səsvermənin yekunlarına görə, 26 səslə Ramiz Mirzəyev AFFA-nın yeni prezidenti seçildi.
Konfransda bu təşkilatın icraiyyə komitəsinin üzvləri də seçildilər.
Konfrans başa çatdıqdan sonra gənclər, idman və turizm naziri Əbülfəz Qarayev yeni prezidenti və icraiyyə komitəsinin üzvlərini təbrik etdi və ümidvar olduğunu bildirdi ki, AFFA-nın yeni rəhbərliyi populyar idman növünün inkişafı üçün əlindən gələni əsirgəməyəcəkdir. O, eyni zamanda, konfransın təşkilinə və keçirilməsinə göstərdiyi köməyə görə, FİFA və UEFA rəhbərliyinə təşəkkür etdi.
Sonra çıxış edən FİFA-nın nümayəndəsi Marsel Bens seçkilərin demokratik prinsiplərə riayət olunmaqla keçirildiyini vurğuladı.
Bölmənin digər xəbərləri
