AFFA “QARABAĞ” FUTBOL KLUBUNUN AĞDAMDA OYNAMASINA MÜSBƏT YANAŞIR
Bakı, 15 aprel (AZƏRTAC). AFFA Azərbaycan Premyer Liqası çərçivəsində “Qarabağ” futbol klubunun ev oyunlarını Ağdamda keçirməsinə müsbət yanaşır.
AFFA-nın baş katibi Elxan Məmmədov demişdir ki, belə bir addım regionlarda futbolun inkişafı və kütləviliyin artırılması baxımından əhəmiyyətlidir. Əgər Ağdam rayonunun Quzanlı qəsəbəsində yerləşən stadion Peşəkar Futbol Liqasının tələblərinə uyğun gələrsə, AFFA rəhbərliyi “Qarabağ” klubunun ev oyunlarını həmin stadionda keçirməyi müsbət dəyərləndirir.
Qeyd edək ki, bu yaxınlarda klubun rəhbərliyi Ağdamda çıxış etmək məqsədi ilə Ağdam rayon İcra Hakimiyyətinin başçısı Həsən Sarıyevə, AFFA prezidenti Rövnəq Abdullayevə müraciət etmişdi.
Bölmənin digər xəbərləri
