AĞ EV İRAN PREZİDENTİNİN TƏKLİFİNİ QƏBUL ETMƏDİ
Ağ evin rəsmi nümayəndəsi xanım Dana Perinoy jurnalistlərə bildirmişdir: “Debatlar aparmaq barədə söhbətlər İranın terrorizmi dəstəkləməsindən tutmuş nüvə silahı yaratmaq üçün vasitələr əldə etmək niyyətinədək bütün davranışı ilə əlaqədar təkcə ABŞ-ın deyil, dünya birliyinin də keçirdiyi əsaslı narahatlıqdan diqqəti yayındırmaq cəhdindən başqa bir şey deyildir”.
Bu günlərdə Əhmədinejad Tehranda mətbuat konfransında bildirmişdi ki, ABŞ Prezidenti ilə birbaşa teleefirdə açıq siyasi diskussiya aparmağa hazırdır. O demişdir: “Cənab Buşa heç bir senzura olmadan birbaşa televiziya disputunda iştirak etmək təklifi vermişəm. Bu debatlar zamanı hər birimiz beynəlxalq böhranlı vəziyyətlərdən çıxmağı necə təsəvvür etdiyi barədə öz fikrini söyləyə bilər”.
Lakin Buş hökumətinin rəsmi nümayəndələri bildirirlər ki, BMT Təhlükəsizlik Şurasının 1696 nömrəli qətnaməsinin tələb etdiyi kimi, əgər Tehran uranın saflaşdırılması sahəsində bütün işləri avqustun 31-dək dayandırmasa, ABŞ İrana qarşı qadağalar qoyulmasına nail olmaq niyyətindədir.
Bölmənin digər xəbərləri
