Ağstafada meşə sahələri genişləndirilir
Ağstafa, 11 noyabr (AZƏRTAC). Ağstafa Meşə Mühafizəsi və Bərpası Müəssisəsinin kollektivi 100 kiloqramdan artıq toxum tədarük edərək 0,6 hektar sahədə yeni tinglik salmışlar.
Müəssisədən AZƏRTAC-a bildirmişlər ki, meşəçilər cari ildə 70 hektar sahədə yeni meşə salmağı planlaşdırmışlar. Onlar yazda 20 hektar sahədə meşə salmışlar. Payızda salınacaq 50 hektar meşənin yeri hazırlanmış və əkinə başlanılmışdır. Yeni salınan meşədə akasiya, göynüc, qovaq, iydə və digər ağac növlərinin əkini üstünlük təşkil edir.
Bundan başqa, meşəçilər daha 1 hektar sahədə yeni tinglik salmağa başlamışlar.
Bölmənin digər xəbərləri
