“Ailə və gender yönümlü siyasətlər” mövzusunda təlimlərə başlanılıb
Bakı, 14 aprel, AZƏRTAC
Aprelin 14-də Ailə, Qadın və Uşaq Problemləri üzrə Dövlət Komitəsi tərəfindən dövlət qurumlarının və yerli icra hakimiyyəti orqanlarının gender məsələləri üzrə məsul şəxsləri üçün “Ailə və gender yönümlü siyasətlər: fərdlərə, təşkilatlara və cəmiyyətə faydaları” mövzusunda təlimlər keçirilməyə başlanılıb.
AZƏRTAC xəbər verir ki, təlimlərin keçirilməsində məqsəd gender məsələləri üzrə məsul şəxslərin işinin təkmilləşdirilməsi, onlar arasında səmərəli əlaqələndirmənin təmini, gender bərabərliyi sahəsindəki qanunların və siyasətlərin icrası ilə bağlı səlahiyyətlərini, vəzifələrini aydın şəkildə müəyyən etməkdən ibarətdir.
Təlimlər müstəqil ekspert Şəmsiyyə Mustafayeva tərəfindən aparılır.
Qeyd edək ki, təlim aprelin 16-da başa çatacaq.
Bölmənin digər xəbərləri
