Aksiya iştirakçısı: Gətirdiyim tullantıları hədiyyələrə dəyişdim
Bakı, 21 dekabr, AZƏRTAC
Bu gün Ekologiya və Təbii Sərvətlər Nazirliyinin təşkil etdiyi növbəti ekoloji aksiya keçirildi. Aksiyada ekologiyanı qorumaq məqsədilə gətirdiyim tullantıları hədiyyələrə dəyişdim.
Bu sözləri AZƏRTAC-a açıqlamasında aksiyada iştirak edən paytaxt sakini Asimə Məmmədli söyləyib.
O, təəssüratlarını bölüşərək, bu kimi aksiyaların cəmiyyət üçün əhəmiyyətindən danışıb: “Üçüncü dəfədir ki, belə tədbirdə iştirak edirəm. Hər dəfə fərqli insanlarla tanış olur, müxtəlif maraqlı fəaliyyətlərdə iştirak edir və uşaqlar üçün təşkil edilən tədbirləri izləyirəm”.
“Aksiyada iştirak etmək xoş oldu. Bu səylər həm fərdi, həm də kollektiv yanaşma ilə ətraf mühitin qorunmasına töhfə vermək istəyənlər üçün önəmli təşəbbüsdür. Ekoloji aksiyalar zamanı müxtəlif hədiyyələrin təqdim olunması və uşaqlar üçün yaradılan əyləncə proqramları tədbirlərin daha maraqlı və interaktiv keçirilməsinə şərait yaradır”, - deyə A.Məmmədli əlavə edib.
Bölmənin digər xəbərləri
