Aktotı Raimkulova: Türk Mədəniyyəti və İrsi Fondunun təqdimatı təşkilatımız üçün mühüm mərhələdir
Bakı, 5 noyabr, Anara Axundova, AZƏRTAC
Səmərqənddə keçirilən UNESCO Baş Konfransının 43-cü sessiyasında Türk Mədəniyyəti və İrsi Fondu Türk dünyasının mədəni irsinin əzəmətini əks etdirən unikal layihələr təqdim edib.
Türk Mədəniyyəti və İrsi Fondunun prezidenti Aktotı Raimkulova AZƏRTAC-ın müxbirinə bu tədbirin Fondun fəaliyyəti üçün əhəmiyyətindən danışıb.
“UNESCO Baş Konfransının 43-cü sessiyasında Türk Mədəniyyəti və İrsi Fondunun təqdimatı təşkilatımız üçün mühüm mərhələdir. Bu, pantürk mədəni irsinin qorunması, təşviqi və təbliği sahəsindəki səmərəli və zəngin işimizin tanınmasıdır. Bu, həm restavrasiya, həm nəşrlər, həm elmi tədqiqatlar, həm də təhsil proqramları sahəsində müxtəlif işdir. Bizim təqdimatımız dövlətlər səviyyəsində beynəlxalq təşkilatlar arasında unikallığı ilə seçilib. Bir çox insan təqdimatda iştirak etməkdə maraqlı olduğunu bildirib. Təşkilatımıza hərtərəfli dəstəyinə görə Azərbaycan Respublikasına minnətdarıq”, - deyə o qeyd edib.
Bölmənin digər xəbərləri
