Alman siyasətçi Azərbaycanın Kəlbəcər rayonunda mülki vətəndaşların həlak olması ilə əlaqədar başsağlığı verib
Berlin, 8 iyun, AZƏRTAC
AFR federal hökuməti nəzdində insan haqları və humanitar dəstək məsələləri üzrə komissar, Almaniya Bundestaqının üzvü Berbel Kofler Azərbaycanın Kəlbəcər rayonunda azərbaycanlı jurnalistlərin və bələdiyyə üzvünün həlak olmaları ilə əlaqədar özünün tvitter mikrobloqunda şərh yazıb.
AZƏRTAC xəbər verir ki, məlumatda deyilir: “Mina partlaması nəticəsində iki jurnalistin - Məhərrəm İbrahimovun (Əlioğlu) və Sirac Abışovun ölümü dəhşətli xəbərdir! Həlak olanların yaxınlarına başsağlığı verirəm. Ümidvaram ki, vəziyyətə aydınlıq gətiriləcək. Regionun hərtərəfli sülhə ehtiyacı var”.
Vüqar Seyidov
AZƏRTAC-ın xüsusi müxbiri
Berlin
Bölmənin digər xəbərləri
