ALMANİYA HÖKUMƏTİ “AÇIQ QAPI” GÜNÜ KEÇİRMİŞDİR
Avqustun 26-27-də keçirilmiş növbəti 8-ci “Açıq qapı” günlərində federal kansler Angela Merkel başda olmaqla, 14 nazir saat 10-dan 18-dək rəhbərlik etdikləri idarələrin qapılarını Almaniya ictimaiyyəti və KİV nümayəndələri qarşısında açıq saxlamışlar.
Tədbirin ilk günü - avqustun 26-da nazirlər iqamətgahlarında 60 mindən artıq qonağı qəbul etmiş, onların çoxsaylı suallarını ətraflı cavablandırmışlar.
“Açıq qapı” tədbirini avqustun 27-də davam etdirən federal kansler Angela Merkel iqamətgahında ictimaiyyətin nümayəndələrini iki saat müddətində fasiləsiz olaraq qəbul etmiş, iştirakçıları hökumətin iş üslubu və fəaliyyət proqramı ilə məlumatlandırmışdır.
Hökumət başçısı ictimaiyyətlə söhbətdən sonra federal kansler parkında təşkil olunmuş gəzinti və şənlikdə iştirak etmişdir.
Parkda 100 mindən artıq qonaq üçün musiqili-əyləncəli proqramlar təşkil olunmuşdu.
Bölmənin digər xəbərləri
