Almaniya nəşri Azərbaycana “İsgəndər M” raketlərinin atılması barədə yazıb
Berlin, 15 aprel, AZƏRTAC
Almaniyanın “Sudkaukasus.de” nəşrində Cənubi Qafqaz ölkələri ilə bağlı yazılara üstünlük verilir. Bu günlərdə həmin nəşrdə 2020-ci il Vətən müharibəsi günlərində Azərbaycana “İsgəndər M” ballistik raketləri ilə zərbə endirilməsi barədə material dərc olunub.
AZƏRTAC xəbər verir ki, müəllifi Kristian Fişer olan məqalədə bu qorxulu silahın həm ixrac üçün, həm də daxildə tətbiq edilmək üçün nəzərdə tutulan versiyalarının texniki xarakteristikaları barədə məlumat verilir. Məqalənin müəllifi bildirir ki, Şuşada, bir-birindən 780 metr məsafədə iki raket qalıqları aşkar edilib. ANAMA agentliyi tərəfindən aşkar edilmiş raket qalıqlarının üzərindəki “9M723” eyniləşdirmə nişanı qətiyyətlə belə deməyə əsas verir ki, bu qalıqlar ixrac edilməli olmayan “İsgəndər M” raketinə mənsubdur.
Müəllifin sözlərinə görə, bu tapıntının doğurduğu suallar cavabsız qalmamalıdır.
Vüqar Seyidov
AZƏRTAC-ın xüsusi müxbiri
Berlin
Bölmənin digər xəbərləri
