ALMANİYADA AVROPA AZƏRBAYCANLILARI KONQRESİ YARADILACAQ

30.03.2004 [10:45]
Çap et
A⁺ A^-

Xarici Ölkələrdə Yaşayan Azərbaycanlılarla İş üzrə Dövlət Komitəsindən AZƏRTAC-a bildirmişlər ki, bu il aprel ayının 17-18-də Almaniyanın Berlin şəhərində Avropa Azərbaycanlıları Konqresi yaradılacaqdır. Bundan məqsəd Avropa olkələrində məskunlaşan soydaşlarımızın tarixi vətənləri ilə əlaqələrini daha da mohkəmləndirmək, dunya azərbaycanlıları arasında mənəvi, siyasi birliyi və həmrəyliyi təmin etmək, Azərbaycan icmasının regionda fəaliyyətlərini əlaqələndirməkdir. Konqres Avropa, MDB ölkələri, eləcə də Türkiyə və Baltikyanı respublikalardakı diaspor təskilatlarının iştirakı ilə yaradılacaq.

Tədbirin birinci hissəsində Azərbaycanın hökumət və dövlət rəsmilərinin, Milli Məclis uzvlərinin, elm və mədəniyyət xadimlərinin Azərbaycanın müasir reallıqları ilə bağlı məruzələri dinləniləcəkdir. İkinci hissə isə Azərbaycan diasporunun inkisaf perspektivlərinə həsr ediləcəkdir.

Mənzil qərargahı və əlaqələndirici katibliyi Berlində yerləşəcək Konqres Almaniya Federativ Respublikasında qeydiyyatdan keçdikdən sonra bir sıra beynəlxalq təşkilatlar qarşısında Azərbaycanın üzləşdiyi problemləri qaldıracaqdır.

ALMANİYADA AVROPA AZƏRBAYCANLILARI KONQRESİ YARADILACAQ

MÜƏLLİFLƏ ƏLAQƏ

Bölmənin digər xəbərləri