ALMANİYADA QALMAQAL YARANMAQDADIR
AZƏRTAC xəbər verir ki, Almaniyanın “Frankfurter Algemayne Zaytunq” qəzetinin yazdığına görə, Federativ Respublikanın Əfqanıstandakı əsgərlərinin əllərində kəllə olan fotoşəkilləri qalmaqal yaratmaqdadır. Həmin fotoşəkilləri “Bild” qəzeti 25 oktyabr tarixli nömrəsində dərc etmişdir. Şəkillərin birində bundesverin çılpaq hərbi qulluqçusu əlində kəllə tutmuşdur. Qəzetin yazdığına görə, fotoşəkillər 2003-cü ilin yazında çəkilmişdir. Nəşrin fikrincə, hərbçilər kəlləni kütləvi məzarlıqların birindən tapmışlar. Federal Müdafiə Nazirliyinin başçısı Frans Yozef Yunq fotoşəkilləri “mənfur” adlandıraraq bildirmişdir ki, hərbçilərin təqsiri təsdiqlənərsə, onlara qarşı intizam tədbirləri görüləcək, yaxud məsuliyyətə cəlb olunacaqlar.
Şəkillərdəki əsgərlərin Əfqanıstanda hələ də xidmət keçdikləri, yaxud vətənə qayıtdıqları məlum deyildir.
Bölmənin digər xəbərləri
